Heartline: Uyab o eskwela?

HI friends. Smile naman diyan, it's a beautiful Monday. Bahala og napakyas si Rey Boom-boom Bautista nga depensahan ang iyang bakus, nailog kini sa Mexican challenger, dawat-dawat na lang ta.

Ana man gyud ng boxing diba, sort of, di pa panahon sa mga Pinoy, dont yah worry mobawi ra ta puhon.

By the way, di gyud pwede mohatag og numbers sa atong mga senders.

Nalowkah ko kay daghan kaayog nangayo og number sa atong sender na si Alona, kadtong gusto na motilaw og himaya. Sama sa akong promise to them, I'll keep their identity confidential. Sign of respect pud na ngadto kanila. Gets?

Dear Heartline,

Ako diay si Krisha, taga Tagum. Incoming freshmen student ko sa USEP. Scholar ko sa among councilor unya ang number one na requirement is bawal ang uyab-uyab. Naa koy uyab, 1 year college na. Nagpromise ko na dili gyud siya biyaan magkina-unsa man. Love kaayo namo ang usag-usa. Gibulagan nako siya, pero karon murag maglisod ko og wala siya. Tama ba kaha akong desisyon? Please tambagi ko.

Krisha of Tagum 0928***

Krisha,

Unsa may mas matimbang sa imoha, ang pag-uyab-uyab o ang makatapos kag eskwela?

Kung edukasyon ang anaa sa imong prayoridad karon, then you follow unsa ang rules nga gipatuman nila.

Wala man na gipatuman aron madaut mo, o ang mga scholars nila, apan gihimo kana alang sa inyong kaayuhan.

Daghang cases/instances man gud nga di molampus o makapokus sa pagtuon ang usa ka estudyante kay matunga ang atensiyon tungod anang uyab-uyab.

Kanang butanga, dili kana mawala, naa ra kana sa palibot.

If your partner truly loves you, then makasabot siya sa imong desisyon, maka-paabot siya nimo.

Bata pa man sab mo, daghan pa og moabot o kausaban in the future.

Daghan kaayo og buot maka-eskwela, maka-avail og scholarships, apan di gyud sila maka-pwesto.

Lucky kaayo ka tungod nakabaton ka niini, dakong alibyo na kini to your parents, so do grab the opportunity.

Moabot ranang saktong panahon nga maka-ariba kana sa imong lovelife. Ika nga, take one step at a time. Di man pwede nga hakpon nimo tanan, lagi na og dili na kaya sa powers ug time management.

Make sure nga napasabot nimo og maayo ang imong ex-bf sa imong desisyon.

For now, dili paka makasulti kun sakto o dili ang imong desisyon, apan sa panahon nga nakita na nimo ang kaayuhan niini, ma-appreciate ra nimo ang tanan.

Besides, dili man lumba ang pagbaton og uyab. Ayaw pagdali-dali, lisud mapandol, lisud nga magmahay tungod sa desisyon nga ang gipasulabi mao ang emosyon. Good luck =)