Tambagi ko Noy Kulas: Love at first sight

DEAR Noy Kulas,

Tawga lang ko sa ngalan nga Single Boy. Ang akong pro­blema mao ang usa ka babaye nga na love at first sight ko niya.Ako dayon siyang giila-ila and then ni-ask ko sa iyang mobile number. Nihatag man dayon nako. Mo-text ko niya everyday apan di siya mo-reply nako. Kon ako ang motawag niya, di niya tubagon. If magkita mi niya sa work, maayo ra man siya nako.

Noy Kulas, tambagi ko kon unsa ang akong buhaton.

SINGLE BOY

Single Boy,

Gikinahanglan nga magbaton ka og respeto ni bisan kinsa nga babaye. Kon ang babaye di gani motubag sa tawag, kana nagpasabot nga di siya ganahan makigsulti nimo o kaha di siya ganahan nga disturbuhon. Di tanang mga tawo ganahan dayon makigsuod kay lainan sila. Mao na nga paghinayhinay tawon sa imong approach kay bag-o pa man mo nagkaila.

Don’t come in too strong kay maka-turnoff baya na. Bastusan ang ubang mga babaye niana.

Gawas pa, basin duna siyay uyab mao nga di siya ganahan motubag nimo. Lain kaayo nga naa ang iyang uyab unya makigsulti siya nimo. Bisan ikaw sa imong bahin, ganahan ka nga naa ka unya ang imong uyab makigsulti og laing lalake nga wa ka makaila? Lain man gani paminawon nga nakaila ka sa lalake. Magselos gyud na..

Maayo nimong buhaton mo-forward ka og inspirational text messages kon ganahan ka mo-text niya. Who knows maigo siya sa mga mensahe nimo ug mo-text back siya nimo. Mao nay giingon nga mo-approach ka og tawo kanang maayo ang timing ug sakto nga panahon.

Kon magkita mo, istoryahe or ila-ilahon mo sab ang iyang mga higala aron ka makasulod sa grupo nga hinay-hinay. Unya makaku­yogkuyog ka na sa iyang grupo kon manglaag sila.

Kana pangitai og paagi kay ganahan ka man kaha niya. Lakas man kaha ang tama diha nimo. Basta timan-I pirme, ayaw diretso diretso. Hinayhinay lang.

NOY KULAS