Talk to Papa Joe: Subdivision

DEAR Papa Joe,

Tawga ko sa ngan nga Mr. Concern, 45 years old na. Usa ko ka seaman.

Nagkuha man gud ko og balay sa usa ka housing firm diri sa Pilipinas para safe kay yawat na lang unyag undang nako isip seaman naa koy balay.

Pero nireklamo na ang akong asawa kay gawas nga saba ug abog, delikado kuno among nakuha nga balay kay daghang mga tawo nga wa siya makaila ang mangagi.

Ambot kon nasayod ba ang akong asawa ani sa una pa lang o wa kay ako mismo, sa pag-abot nako diri ron, nahibung ko nganong mangagi man ang pampublikong mga sakyanan sa amo, apil na ang taga laing subdivision. Kuyaw man nuon mi sa disgrasya. Di na hinuon mi makagawas gawas kay kuyawan mi sa mangagi nga wa mi makaila. Naglibog ko kon nganong naay subdivision nga ingon ani.

Ako lang ta iuli ni ug magpauli ko sa nagasto. Pwede kaha? Maayo man gud ang pagbaligya ani. Nasibya na gani ni sa sa usa ka AM radio apan wa may aksyon ang mga nagduma ning subdivision. Nasayod ko nga kahibawo ka asa ni maong nanghinaot ko nga di ka bias sa pagtambag.

MR. CONCERN

Mr.Concern,

Maorag matuk-an ta aning imong problema. Maorag pareha ta og subdivision apan kutob sa akong mahimo nga mohangyo nila ako pang gibuhat.

Naghuwat sab ko nga aksyunan nila.

+Nahimutang ko sa sudlunong bahin sa subdivision maong di ko apektado kaayo sa sitwasyon gawas lang kon mogawas ko. Maka experience ko og traffic labi na maghuot ang trapik. Nasayud na ko daan anang sitwasyon nga buhatong public road na siya ug dunay higayon na nikomentaryo ko sa mga engineer niadto apan maorag wala silay mabuhat kay ang gobyerno may eminent domain man bisan sa pribadong yuta. Kana maoy akong nasabtan apan wala ko mag-expect na ingon ana na kahasol labi na naay mga taga gawas nga buhaton nga bisiklitahanan ang subdivision.

Dili man sa magdinawo ta sa luna, apan daghan na sab nga mga kawat nga gipadangat nako. Mas maayo pa nga magbuhat mo or kita og asosasyon ug ipadangat ang reklamo sa developer. Kon way action, makatabang ang Housing and Land Use Regulatory Board (HLURB). Iagi sa nato sa due process tanan ug di magpadala sa init. Daghang salamat.

PAPA JOE