Ang gugma diay kay way kasiguraduhan. High school graduate ko. Naa ko’y ka textmate sa among school. Wala pa mi nagkita ani niya apan nalingaw ko kay naa ra diay sa among school akong ka textmate. Hangtod nga nagkasabot mi nga magkita. Niingon siya nako
nga siya daw ang tigtakos og sud-an sa among canteen.
Ako siyang gipakigkitaan kay working student diay siya. Nagkita mi ug pila ra may dagan sa istorya, nagkauyab mi. Permi na mi mag date niya ug matod niya bag-o lang sila nga nagbuwag sa iyang uyab kay naay chicks daghan. Tuod man malipayon kaayo mi hangtud niabot ang trahedya sa among gugma. Nawala lang siya og kalit nako ug akong nahibaw-an nga nagbalik diay sila sa iyang boyfriend.
Nakigkita pa ko niya ug ako siyang gi-treat og date. Ang akong nadungog ra niya mao nga sorry kay wala gyud diay siya’y pagbati nako. Gigamit ra ko niya niadtong panahuna. Sakit kaayo apan hangtod karon di pa nako madawat. Dako na kaayo nig epekto nako. Palihug tambagi ko, Papa Joe.
JOLITO
Jolito,
Brod, ana nang life bisan di sa gugma di ka sigurado kay ning kalibutana way kasiguraduhan. Ako pa nimo dawata na lang nang tanan ug i-charge to experience lang.
Mao nang resulta sa relasyon nga maorag dinali-dali. Instant ba. Giila-ila unta to nimong babaye una ka nibuhi sa imong gugma ngadto kaniya.
Pero ana man gyud na ang gugma kuno, buta! Iampo sa Ginuo nga matabangan ka nga madawat nimo ang nahitabo karon. Bata pa sad ka maong ingon ana ka ka apektado pero moabot ra ang panahon nga kataw-an na lang na nimo puhon. Basta sa pagkakaron ayaw padala sa tama kay ikaw ra ang maalaot.
Matod pa nila daghan pang mga babaye sa kalibutan. Huwata lang ang saktong panahon. Kasagaran sa mga batan-on makasulay gyud ana. Daghang salamat, Bro.
PAPA JOE
No comments:
Post a Comment