Luwa boobs sa Wowowillie imbestigahan

NAKATAKDANG dunggon sa Movie and Television Review and Classification Board (MTRCB) ang pagdungog sa reklamo batok sa programang Wowowillie sa TV5 ugmang adlawa mahitungod sa luwa boobs sa mga gisuot sa mga dancer sa maong show sa usa ka episode niadtong Abril 16, 2013.

Sumala ni MTRCB chairperson Atty. Eugenio Villareal, gipadalhan na nila og imbitasyon ang mga opisyal sa maong TV network ug pipila ka executives sa maong programa nga moduaw sa pagdungog sa alas-nuwebe sa buntag.

Kini mao sila TV5 business unit manager Jonathan Montelibano, TV5 program director John Panisanez, executive producer Gary Tejada, TV5 head Ramon del Rosario ug si TV5 program manager Atty. Christine Ona.

Nag-ugat ang maong reklamo batok sa TV5 sugod sa usa ka netizen nga wa ganahi sa mga misayaw ang mga dancer sa programa nga halos luwa na ang pinakatagong dughan.

Midugay og kapin walo ka minuto ang maong expose sa dughan nga halos makita sa tanan.

Tumong sa maong pagdungog kung duna bay pag-abuso ang programa batok sa mga kabantan-onan ug kababaihan.

Sayo niini, unang gipatawag sa MTRCB ang noon time show niadtong milabay nga bulan aron ipailalom sa sensitivity seminar tungod sa gihimo niining pagkastigo sa co-host nga si Ethel Booba nga iyang gikasab-an og live samtang gi-ere ang ilang programa.