Psy di makatuo malampuson ang 'Gentleman'

DI gihapon makatuo bisan ang global sensation nga si Psy, sa malampuson karon sa iyang bag-ong single nga "Gentleman."

Kini human miabot na sa 82 million views sa video-sharing website na YouTube ang "Gentleman."

Say sa South Korean rapper sa iyang Twitter account: "51 million views in 40 hours!! My God!!"

Sa unang 24 oras pa lang, miabot sa 20 million views ang "Gentleman" nga mitala og rekord sa YouTube.

Ang maong single mibandera sab sa mga music charts diin miabot kini sa 8th spot sa Britain ug 7th place sa Australia.

Sa Scandinavia, naa sa top place kini samtang sa tibuok kalibutan naa sa ika-21 puwesto.

Ang "Gentleman" misunod sa global smash hit ni Psy nga "Gangnam Style."

Ang "Gangnam Style" maoy "most viewed" video sa YouTube nga dunay 1.5 billion hits.