Tawga ko sa ngalan nga Junjun, 30, ug minyo sa usa ka edaran nga babaye nga 47 years old. Duha pa lang mi ka tuig sukad gikasal ug wala pay anak. Siguro tungod ni sa edad sa akong asawa maong maglisod mi.
Maayo man ang dagan sa among relasyon. Abi nako og siya na hangtod nga niabot ang sala diri nako. Naa siyay gipaeskwela nga pag-umangkon sa pag-agawan, 19 years old ug buotan nga pagkabata. Wala nako damha nga mahigugma ko niya ug wala nako mapugngi nga usa ka adlaw niana naka ingon ko niya sa akong gibati.
Abi nako og ikalain niya ang pagsulti nako nga “kon di pa lang ko minyo, maibog gyud ko nimo.” Iya man hinuon kong gitubag nga “ngano diay, di pwede? Niadto nilambo ang tinaguan namong relasyon. Labina busy sa pagnegosyo akong asawa ug alas 7 na sa gabii mouli samtang ako modalikyat og uli og sayo og pila ka oras o minuto, unya mobalik ra sad ko sa trabaho para lang masaw-an namo ang katam-is sa romansa sa pag-umangkon sa akong asawa.
Unsa man ang akong buhaton karon nga mas nahigugma man ko sa batan-on? Palihug tambagi ko.
JUNJUN
Junjun,
Dili maayo na imong gibuhat kay minyo na ka ug makada-ot na sa relasyon sa imong asawa ug sa iyang pag umangkon. Unya ang problema pwede sab nga mokatay ngadto sa mga paryente. Pero di sad ko ka blame nimo kay nahisugamak ka man og maguwang nimo.
Posible di gyud gugma imong tumong kon di kaharuhay kay negosyante man kaha nang imong asawa. Pero mao lagi na, di gihapon maayo kon mao kana kay nahug na nanggamit ka og tawo sa pagpasaka sa imong kaugalingon.
Ako pa nimo, undangi na na. Di na na maayo ug dili na gugma ang imoha. Mahug kanang lust kay batan-on siya. Ayaw dauta ang iyang kaugmaon, apan kon mao gyud na imong gibati ug di gyud madala og tambag, then sultii imong asawa. Klaruhi na lang, apan remember ang problema di masulbad og laing problema. Salamat.
PAPA JOE
No comments:
Post a Comment