Tawga ko og Jose, 26 years old ug usa ka call center agent. Taga Bohol ko. Kataw-anan kaayo kon buot huna-hunaon ang akong sitwasyon karon kay naatol nga susama sa sitwasyon ni beauty titlist nga si Janine nga nibuwag sa iyang uyab.
Naa man gud koy uyab na taga Bohol ug bag-o lang siya ni-graduate didto. Niari siya sa Cebu para mangaplay. Diri pa siya nipuyo sa amo kay naa man miy balay diri sab uban sa akong iyaan nga maoy gibinlan sa akong mama nga naa sa gawas sa nasud.
Loving kaayo mi ug balik sa dating gawi namo sa didto pa mi sa Bohol as in maora na mi og bana ug asawa. One time nanglaag mi sa uptown sa may Mango ug nanulod mi og diskohan. Dihang giibid-ibiran siya sa DJ sa club kay gwapa man ug sexy siya, wa lang nako panumbalinga kay tan-aw nako maorag nabaghuan siya. Gipa-enjoy lang siya nako sa panahon. Hangtod nga niabot ang panahon nga nihawa siya sa amo kay naka-work siya ug nahimo pa to namong away. Hangtod nga niabot ang time nga nasakpan nako siya ug ang DJ nga loving na kaayo.
Ganahan unta ko birahan ang DJ pero tan-aw nako di man sad niya sala kay wala man siya masayod nga uyab mi kay wa ko moingon dihang gaila-ila sila. Karon gibuwagan ko niya og maorag di pa ko kadawat nga giilisan nako niya.
Unsa may angay kong buhaton? Tambagi ko.
JOSE
Jose,
Kon ang tawo wa na makagusto nato, di na lang ta mamugos kon tinuod nga gimahal nato sila. Kay kon sila atong gimahal, kita malipay kon asa sila malipay. Kon itandi nimo siya sa beauty queen, kadto siya naa to siyay iyang rason nganong gibiyaan niya ang iyang uyab. Sama sa imong uyab, naa sab. Meaning, nangita silag lain kay wa na sila malipay o ba kaha may nakit-an sila sa lain nga wa nimo o ba kaha sa sinugdanan wa siya mahigugma nimo.
Pasalamati na lang nga sa hamubo nga panahon nalipay ka niya. Wa sab ta masayod nga after awhile, biyaan na sad to niya ang DJ kon makakaplag na sab og lain. Focus na lang sa imong kaugalingon kay puhon mo-mature na ka ug ang ubang mga babaye sa palibot sayon ra ninyo sa pagpatunhay sa inyong gugma. So, relax and enjoy being single.
Daghang salamat.
PAPA JOE
No comments:
Post a Comment